ദേശീയ ചലച്ചിത്ര പുരസ്ക്കാരങ്ങളിൽ മികച്ച നവാഗത സംവിധായകനുള്ള പുരസ്ക്കാരത്തിൽ നിന്ന് മുന് പ്രധാനമന്ത്രി ഇന്ദിരാ ഗാന്ധിയുടെ പേരും, ദേശീയോദ്ഗ്രഥന ചിത്രത്തിനുള്ള പുരസ്ക്കാരത്തിൽ നിന്ന് പ്രശസ്ത നടി നർഗീസ് ദത്തിന്റെ പേരും ഒഴിവാക്കിയിരുന്നു. ഇത് സംബന്ധിച്ച് സർക്കാർ ഉത്തരവിറക്കി. ഐക്യകണ്ഠേനയാണ് തീരുമാനം അംഗീകരിച്ചതെന്ന് സമിതി അംഗങ്ങളിലൊരാള് വാര്ത്താ ഏജന്സിയോട് പറഞ്ഞു. എന്നാൽ വിഷയത്തിൽ എത്ര കോൺഗ്രസ് നേതാക്കന്മാർ പ്രതികരിച്ചുവെന്ന് കെടി ജലീൽ എം എൽ എ നിയമസഭയിൽ പ്രതികരിച്ചു. കോൺഗ്രസ്സിന്റെ പ്രതിഷേധം ഒരിടത്തും കണ്ടില്ല, മന്ത്രാലയം ഇതിനായി ചുമതലപ്പെടുത്തിയ സമിതിയിൽ ഒരു മലയാളി കൂടി ഉണ്ടെന്നത് വേദനിപ്പിക്കുന്നുവെന്നും ജലീൽ കൂട്ടിച്ചേർത്തു.
