സുപ്രഭാതം, ദീപിക പത്രങ്ങൾക്ക് തെരഞ്ഞെടുപ്പ് കമ്മീഷൻ നോട്ടീസ് നൽകി . എൽഡിഎഫിന്റെ തെരഞ്ഞെടുപ്പ് പരസ്യങ്ങൾ ഇവർ പ്രസിദ്ധീകരിച്ചിരുന്നു. പരസ്യം നൽകിയവരുടെ വിവരങ്ങൾ നൽകണമെന്നാണ് ആവശ്യപ്പെട്ടിരിക്കുന്നത്. ഡിജിപിക്ക് പരാതിയെക്കുറിച്ച് അന്വേഷിക്കാനുള്ള നിർദ്ദേശം നൽകിയിട്ടുണ്ട്. ബിജെപി നേതാവ് ജെ ആർ പത്മകുമാർ നൽകിയ പരാതിയിലാണ് നടപടി.
ഖലിസ്ഥാൻ അനുകൂല മുദ്രാവാക്യം വിളിച്ച കാനഡയിലെ പരിപാടിയിൽ നേതാക്കൾ പങ്കെടുത്തതിൽ പ്രതിഷേധം അറിയിച്ച് ഇന്ത്യ
ഖലിസ്ഥാൻ അനുകൂല മുദ്രാവാക്യം വിളിച്ച കാനഡയിലെ പരിപാടിയിൽ നേതാക്കൾ പങ്കെടുത്തതിൽ പ്രതിഷേധം അറിയിച്ച് ഇന്ത്യ. വിദേശകാര്യ മന്ത്രാലയം കനേഡിയൻ ഡെപ്യൂട്ടി ഹൈ കമ്മീഷണറെ വിളിച്ചുവരുത്തി പ്രതിഷേധം അറിയിച്ചു. കാനഡയിൽ വിഘടനവാദത്തിനും തീവ്രവാദത്തിനും അവസരം നൽകുന്നതിന് തെളിവാണിത്. ഈ നിലപാട് ഇരു രാജ്യങ്ങളുടെയും പരസ്പര ബന്ധത്തെ ബാധിക്കുo. കാനഡയിൽ അക്രമം വർദ്ധിക്കുന്നതിന് കാരണമാകുമെന്നും വിദേശകാര്യ മന്ത്രാലയം വ്യക്തമാക്കി.
സിപിഎമ്മിന്റെ തെറ്റും ശരിയും തീരുമാനിക്കേണ്ടത് പാർട്ടിയാണ് എന്ന് ബിനോയ് വിശ്വം
സിപിഎമ്മിന്റെ തെറ്റും ശരിയും തീരുമാനിക്കേണ്ടത് പാർട്ടിയാണ്. സിപിഐ നിലപാട് എൽഡിഎഫ് യോഗത്തിൽ ഉന്നയിക്കുമെന്നും ബിനോയ് വിശ്വം. ദല്ലാൾമാരെ അകറ്റി നിർത്തണമെന്നത് നിർബന്ധമാണ്. ഇത്തരം വിഷയങ്ങളിൽ ജാഗ്രത പാലിക്കമെന്നത് ഇടതുപാർട്ടികളുടെ പൊതു നിലപാടാണെന്നും ബിനോയ് വിശ്വം അഭിപ്രായപ്പെട്ടു. ഇ പി ജയരാജനെ പാർട്ടി പിന്തുണച്ച നിലപാടിൽ പ്രതികരിക്കുകയായിരുന്നു അദ്ദേഹം.
ഇപി ജയരാജനെതിരെ എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ
ഇപി ജയരാജനെതിരെ എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ. ശോഭ സുരേന്ദ്രൻ ഉന്നയിച്ച കാര്യങ്ങളിൽ ശരി ഉണ്ടെന്ന് ഇപി തുറന്നു പറഞ്ഞു . ഒരു കാരണവശാലും അങ്ങനെ പോകാൻ പാടില്ല. കമ്മ്യൂണിസ്റ്റ് പാർട്ടിയുടെ പ്രധാന നേതാവാണെന്ന കാര്യം ഓർക്കണമായിരുന്നു. ബിജെപി നേതാക്കളെ കണ്ടെങ്കിൽ പാർട്ടിയിൽ അദ്ദേഹം റിപ്പോർട്ട് ചെയ്യണമായിരുന്നു എന്നും അദ്ദേഹം പറഞ്ഞു.
സംസ്ഥാനത്തെ ഡ്രൈവിംഗ് ലൈസൻസ് ടെസ്റ്റിൽ മാറ്റം
സംസ്ഥാനത്തെ ഡ്രൈവിംഗ് ലൈസൻസ് ടെസ്റ്റിൽ മാറ്റം. മെയ് 2 മുതൽ റോഡ് ടെസ്റ്റിന് ശേഷമായിരിക്കും ‘എച്ച്’ ടെസ്റ്റ്. റോഡ് ടെസ്റ്റിലും മാറ്റമുണ്ടായിരിക്കും. വിശദമായ സർക്കുലറിറക്കുമെന്ന് ഗതാഗത കമ്മീഷണർ അറിയിച്ചു. പുതിയ ട്രാക്കൊരുക്കി ടെസ്റ്റ് നടത്താനുള്ള സൗകര്യങ്ങൾ പൂർത്തിയാകാത്ത സാഹചര്യത്തിലാണ് നിർദ്ദേശം. പ്രതിദിനം നൽകുന്ന ലൈസൻസുകളുടെ എണ്ണം 60 ആക്കി.
രാഹുൽ മാങ്കൂട്ടത്തിലിനെതിരെ കടുത്ത വിമര്ശനവുമായി പത്മജ വേണുഗോപാല്
രാഹുൽ മാങ്കൂട്ടത്തിലിനെതിരെ കടുത്ത വിമര്ശനവുമായി പത്മജ വേണുഗോപാല്. സ്വന്തം അമ്മയുടെ പ്രായമുള്ള സ്ത്രീകളെ പറ്റി എന്തൊക്കെയാണ് ഈ സൈബർകുഞ്ഞു പറയുന്നതെന്നും പത്മജ ചോദിച്ചു. തന്നെ പറഞ്ഞത് ക്ഷമിച്ചു. തന്റെ അച്ഛനെ പറ്റി പറഞ്ഞു. രാഷ്ട്രീയത്തിൽ ഇല്ലാതിരുന്ന തന്റെ അമ്മയെ പറ്റി പറഞ്ഞു. ഇപ്പോൾ ഷൈലജ ടീച്ചറെ പറ്റി പറയുന്നത് കേട്ടു . ഇലക്ഷനും നിൽക്കേണ്ടി വന്നാൽ ഒരു സ്ത്രീയുടെ വോട്ട് പോലും നിങ്ങൾക്ക് കിട്ടില്ല. ആദ്യം, സ്ത്രീകളെ ബഹുമാനിക്കാൻ പഠിക്കൂ എന്നും പത്മജ കൂട്ടിച്ചേര്ത്തു.
രാത്രി വാർത്തകൾ
ഇപിക്ക് പാർട്ടിയുടെ പൂർണ പിന്തുണയെന്നും, ഇപി ജയരാജൻ എൽഡിഎഫ് കൺവീനർ സ്ഥാനത്ത് തുടരുമെന്നും എംവി ഗോവിന്ദൻ. ഇപി വിവാദത്തിൽ ആരോപണം ഉന്നയിച്ചവർക്കെതിരെ നിയമ നടപടി സ്വീകരിക്കാൻ സിപിഎം സംസ്ഥാന സെക്രട്ടേറിയേറ്റ് എൽഡിഎഫ് കൺവീനർ കൂടിയായ ജയരാജന് നിർദ്ദേശം നൽകിയെന്നും അദ്ദേഹം അറിയിച്ചു. കമ്മ്യൂണിസ്റ്റ് വിരോധമാണ് ഇപിക്കെതിരായ ആരോപണത്തിന് പിന്നിലെന്ന് ഇപി തന്നെ വിശദീകരിച്ചു. കൂടാതെ ദല്ലാൾ നന്ദകുമാറിനെ പോലുള്ളവരുമായി ബന്ധം അവസാനിപ്പിക്കാൻ ആവശ്യപ്പെട്ടു. സിപിഎം സംസ്ഥാന സെക്രട്ടേറിയേറ്റ് യോഗത്തിൽ വൈകാരികമായ വിശദീകരണവുമായി ഇപി ജയരാജൻ . ദല്ലാൾ […]
ആമസോണ് ഗ്രേറ്റ് സമ്മര് സെയില് മെയ് രണ്ടുമുതല്
ആമസോണ് ഗ്രേറ്റ് സമ്മര് സെയില് മെയ് രണ്ടുമുതല്. സ്മാര്ട്ട്ഫോണ് അടക്കം വിവിധ കാറ്റഗറിയിലുള്ള ഇലക്ട്രോണിക്സ് ഉല്പ്പന്നങ്ങള്ക്ക് ഡിസ്കൗണ്ട് ഉള്പ്പെടെ നിരവധി ഓഫറുകളുമായാണ് വില്പ്പന മേള ആരംഭിക്കുന്നത്. പുതിയതായി വിപണിയില് എത്തിയതും ജനപ്രിയവുമായ വിവിധ മോഡല് സ്മാര്ട്ട്ഫോണുകളാണ് ഡിസ്ക്കൗണ്ട് ഓഫറുമായി വില്പ്പനയ്ക്ക് എത്തുക.നിരവധി ഫീച്ചറുകള് ഉള്ള ഈ ഫോണുകള് കുറഞ്ഞ വിലയ്ക്ക് ലഭിക്കാനുള്ള അവസരമാണ് ഒരുക്കുന്നത്. റെഡ്മി 13സി, റെഡ്മി നോട്ട് 13 പ്രോ, സാംസങ് ഗാലക്സി എം34, ഷവോമി 14, സാംസങ് ഗാലക്സി എസ്23, ഐക്യൂഒഒ ഇസെഡ്9, […]
‘മന്ദാകിനി’ ചിത്രത്തിന്റെ ട്രെയിലര്
അല്ത്താഫ് സലിം, അനാര്ക്കലി മരിക്കാര് എന്നിവരെ കേന്ദ്ര കഥാപാത്രങ്ങളാക്കി വിനോദ് ലീല തിരക്കഥയെഴുതി സംവിധാനം ചെയ്യുന്ന ‘മന്ദാകിനി’ എന്ന ചിത്രത്തിന്റെ ട്രെയിലര് പുറത്തിറങ്ങി. സ്പൈര് പ്രൊഡക്ഷന്സിന്റെ ബാനറില് സഞ്ജു ഉണ്ണിത്താനാണ് ചിത്രം നിര്മ്മിക്കുന്നത്. ഷിജു എം ബാസ്കര്, ശാലു എന്നിവരുടെതാണ് കഥ. ചിത്രത്തിനായ് ക്യാമറ ചലിപ്പിക്കുന്നതും ഷിജു എം ബാസ്കര് തന്നെയാണ്. ബിബിന് അശോക് സംഗീതം ഒരുക്കുന്ന ഈ ചിത്രം കോമഡി എന്റര്ടെയ്നറാണ്. സംവിധായകന് അല്ത്താഫ് സലിമിനോടൊപ്പം മലയാള സിനിമയിലെ പ്രമുഖ സംവിധായകരായ ലാല് ജോസ്, ജൂഡ് […]
‘മലയാളി ഫ്രം ഇന്ത്യ’ പുതിയ ടീസര്
നിവിന് പോളി നായകനായി വരാനിരിക്കുന്ന ചിത്രം ‘മലയാളി ഫ്രം ഇന്ത്യ’ ചര്ച്ചയാകുന്നു. മലയാളി ഫ്രം ഇന്ത്യയുടെ പുതിയ ടീസറാണ് പ്രക്ഷകരുടെ ശ്രദ്ധയാകര്ഷിക്കുന്നത്. നേരത്തെ പുറത്തിറങ്ങിയ പ്രമോ രസകരമായ രംഗങ്ങളാല് ചിരി പടര്ത്തുന്നതായിരുന്നു. എന്നാല് പുതിയ പുറത്തുവിട്ടിരിക്കുന്ന പുതിയ ടീസര് ഗൗരവമായ വിഷയം പ്രതിപാദിക്കുന്നതാണെന്നും വ്യക്തമാക്കുന്നതാണ്. സംവിധാനം ഡിജോ ജോസ് ആന്റണിയാണ്. മലയാളി ഫ്രം ഇന്ത്യ സിനിമയുടെ തിരക്കഥ ഷാരിസ് മുഹമ്മദാണ്. ഛായാഗ്രഹണം സുദീപ് ഇളമന് നിര്വഹിക്കുന്നു. നിവിന് പോളിക്കൊപ്പം അനശ്വര രാജന്, ധ്യാന് ശ്രീനിവാസന്, സെന്തില് കൃഷ്ണ, […]