ആഗോള പ്രീമിയറിനൊരുങ്ങി ആമസോണ് പ്രൈം വീഡിയോയുടെ പുതിയ ഹൈ-സ്റ്റേക്ക്സ് കോര്ട്ട്റൂം ത്രില്ലര് ചിത്രം ‘സിസ്റ്റം’. അധികാരവും നീതിയും തമ്മിലുള്ള പോരാട്ടം ശക്തമായി അവതരിപ്പിക്കുന്ന ചിത്രം മെയ് 22 മുതല് ലോകമെമ്പാടുമുള്ള 240-ത്തിലധികം രാജ്യങ്ങളിലായി പ്രൈം വീഡിയോയില് സ്ട്രീമിംഗ് ആരംഭിക്കും. അശ്വിനി അയ്യര് തിവാരി സംവിധാനം ചെയ്യുന്ന ചിത്രം ബവേജ സ്റ്റുഡിയോസിന്റെ ബാനറില് പമ്മി ബവേജ, ഹര്മന് ബവേജ, സ്മിത ബാലിഗ എന്നിവര് ചേര്ന്നാണ് നിര്മ്മിച്ചിരിക്കുന്നത്. ഹര്മന് ബവേജ, അരുണ് സുകുമാര്, അശ്വിനി അയ്യര് തിവാരി, തസ്നീം ലോക്ഹണ്ഡ്വാല, അക്ഷത് ഘില്ഡിയാല് എന്നിവര് ചേര്ന്നാണ് ചിത്രത്തിന്റെ രചന നിര്വഹിച്ചിരിക്കുന്നത്. സൊനാക്ഷി സിന്ഹ, ജ്യോതിക, ആശുതോഷ് ഗോവാരികര് എന്നിവര് പ്രധാന കഥാപാത്രങ്ങളായി എത്തുന്ന ചിത്രത്തില് പ്രീതി അഗര്വാള്, ആദിനാഥ് കൊത്താരെ, ആശ്രിയ മിശ്ര, ഗൗരവ് പാണ്ഡെ, സയന്ദീപ് ഗുപ്ത എന്നിവര് സുപ്രധാന വേഷങ്ങളില് അഭിനയിക്കുന്നു.
