സംസ്ഥാനത്തെ ആശുപത്രികളില് എനര്ജി ഓഡിറ്റ് നടത്തുമെന്ന് ആരോഗ്യ മന്ത്രി വീണാ ജോര്ജ്. പല ആശുപത്രികളും വളരെയേറെ പഴക്കമുള്ളതായതിനാല് വയറിംഗും മറ്റും പഴക്കമുള്ളതുണ്ടാകാം. അതിനാല് തന്നെ വളരെയധികം വൈദ്യുതി ആവശ്യമായി വരും. ഇതിനൊരു പരിഹാരമായി സമാന്തര ഊര്ജം കണ്ടെത്തും. തെരഞ്ഞെടുക്കപ്പെട്ട ആശുപത്രികളില് ഈ വര്ഷം തന്നെ സൗരോര്ജ പാനല് സ്ഥാപിക്കുമെന്നും മന്ത്രി.എല്ലാ മെഡിക്കല് കോളജുകളിലും പ്രധാന ആശുപത്രികളിലും രണ്ടു വര്ഷം കൊണ്ട് സോളാര് പാനല് സ്ഥാപിക്കും. ഇതിലൂടെ വൈദ്യുതി ചെലവ് വലിയ രീതിയില് ലാഭിക്കാനും മറ്റാവശ്യങ്ങള്ക്ക് ഉപയോഗിക്കാനും ഗ്രീന് പ്രോട്ടോക്കോള് നടപ്പിലാക്കാനും സാധിക്കുമെന്നും മന്ത്രി വ്യക്തമാക്കി. ഐക്കോണ്സിന്റെ സമ്പൂര്ണ സൗരോര്ജ പ്ലാന്റിന്റേയും രജത ജൂബിലി കവാടത്തിന്റേയും ഉദ്ഘാടനം നിര്വഹിച്ച് സംസാരിക്കുകയായിരുന്നു മന്ത്രി.
