തെരഞ്ഞെടുപ്പിനിടെ പശ്ചിമബംഗാളിലും മണിപ്പൂരിലും സംഘർഷം. കലാപം നടക്കുന്ന മണിപ്പൂരില് അതീവ സുരക്ഷയില് വോട്ടെടുപ്പ് നടക്കുന്നതിനിടെയാണ് സംഘർഷം ഉണ്ടായത്. ഇംഫാല് ഈസ്റ്റിലെ ഖോങ്മാന്നില് പോളിങ് സ്റ്റേഷനിലേക്ക് ആയുധധാരികളായ സംഘം അതിക്രമിച്ച് കയറി സംഘർഷം ഉണ്ടാക്കുകയായിരുന്നുവെന്നാണ് റിപ്പോർട്ട്. ആയുധധാരികളായ സംഘം പോളിങ്ബൂത്തില് അതിക്രമിച്ച് കയറി വോട്ടിങ് യന്ത്രങ്ങള് അടിച്ച് തകർത്തു. ഇതേതുടർന്ന് പൊലീസ് ആകാശത്തേക്ക് വെടിവെച്ചു. അതോടൊപ്പം ബംഗാളില് കൂച്ച്ബിഹാറിലും അലിപൂർദ്വാറിലും ബിജെപി ടിഎംസി പ്രവർത്തകർ ഏറ്റുമുട്ടി. ആയുധങ്ങളുമായെത്തിയ ബിജെപി പ്രവർത്തകർ വോട്ടർമാരെ ഭീഷണിപ്പെടുത്തിയെന്ന് തൃണമൂല് കോണ്ഗ്രസ് ആരോപിച്ചു.
