ഗസ്റ്റ് ലക്ചറര് നിയമനത്തിന് വ്യാജ പ്രവൃത്തി പരിചയ സര്ട്ടിഫിക്കറ്റ് ഹാജരാക്കിയ കേസിലെ പ്രതിയായ മുന് എസ്എഫ്ഐ നേതാവ് കെ വിദ്യയ്ക്ക് പിഎച്ച്ഡി പഠനം തുടരാന് സാധിച്ചേക്കും. വിദ്യയ്ക്ക് ഗവേഷണം തുടരാന് തടസമില്ലെന്ന് കാലടി സര്വകലാശാല നിയമിച്ച ആഭ്യന്തര അന്വേഷണ സമിതി റിപ്പോര്ട്ട് നല്കി. വിദ്യയുടെ പിഎച്ച്ഡി പ്രവേശനം സംവരണ ചട്ടം പാലിക്കാതെയാണെന്ന ആരോപണത്തിൽ കഴമ്പില്ലെന്നാണ് സിന്ഡിക്കേറ്റ് ഉപസമിതിയുടെ കണ്ടെത്തല്. പഠനം തുടരാന് അനുമതി ആവശ്യപ്പെട്ട് വിദ്യ സര്വകലാശാലയ്ക്ക് അപേക്ഷയും നല്കി. അടുത്ത അക്കാദമിക് കൗണ്സില് യോഗം ഈ അപേക്ഷയില് അനുകൂല തീരുമാനമെടുത്തേക്കുമെന്നാണ് സൂചന.
