സംസ്ഥാന സെക്രട്ടേറിയറ്റിന് മുന്നില് തുടരുന്ന ആശാ വര്ക്കര്മാരുടെ സമരം ഇന്ന് നൂറാം ദിനത്തിലേക്കും കേരളമാകെ സഞ്ചരിച്ചുള്ള രാപ്പകല് സമരയാത്ര പതിനാറാം ദിവസത്തിലേക്കും കടന്നു. പിണറായി സർക്കാർ അഞ്ചാം വർഷത്തിലേക്ക് കടക്കുന്ന ദിവസമാണ് ആശമാരുടെ സമരം നൂറ് നാൾ പിന്നിടുന്നത്. സംസ്ഥാന സര്ക്കാര് നല്കുന്ന ഓണറേറിയം എഴായിരം രൂപയില്നിന്ന് 21000 ആയി ഉയര്ത്തുക, വിരമിക്കല് ആനുകൂല്യമായി അഞ്ചുലക്ഷം രൂപ നല്കുക തുടങ്ങിയ ആവശ്യങ്ങള് ഉന്നയിച്ചാണ് ഫെബ്രുവരി പത്തിന് സമരം ആരംഭിച്ചത്. മന്ത്രിതലത്തില് നടത്തിയ ചര്ച്ചയെ തുടര്ന്ന് ആവശ്യങ്ങള് പഠിക്കാന് സമിതിയെ വച്ചെങ്കിലും നൂറ് രൂപയെങ്കിലും കൂട്ടാതെ സമരം അവസാനിപ്പിക്കില്ലെന്ന തീരുമാനത്തിലാണ് സമരക്കാര്.
