പരസ്യപ്രതികരണം പാടില്ലെന്ന പാര്ട്ടി നിര്ദേശം ലംഘിച്ചുകൊണ്ട് പിവി അൻവര് എംഎല്എയുടെ വാര്ത്താസമ്മേളനം. 188ഓളം കേസുകള് സ്വര്ണക്കടത്ത് കേസുകളാണ് കരിപ്പൂര് പൊലീസ് രജിസ്റ്റര് ചെയ്തത്. ഈ 188 കേസുകളില് 28 പേരെങ്കിലും ബന്ധപ്പെട്ടാൽ സത്യാവസ്ഥ പുറത്തുവരുമെന്ന് അദ്ദേഹം പറഞ്ഞു. സ്വര്ണം കടത്തലും പൊട്ടിക്കലുമായി ബന്ധപ്പെട്ട എല്ലാ കാര്യങ്ങളും പൊലീസ് അന്വേഷിച്ചാല് കൃത്യമായി വിവരം കിട്ടുമെന്നും എന്നാൽ ഈ നിമിഷം വരെ അത്തരമൊരു അന്വേഷണം നടന്നിട്ടില്ലെന്നും എം എൽ എ പറഞ്ഞു. മരം മുറിയുമായി ബന്ധപ്പെട്ട് പരാതി പൊലീസ് ശരിയായിട്ടല്ല അന്വേഷിക്കുന്നത്, പാര്ട്ടി സത്യസന്ധമായി നടക്കുമെന്ന ഉറപ്പ് പാടെ ലംഘിക്കപ്പെട്ടു. സ്വര്ണം പൊട്ടിക്കല് ആരോപണത്തില് മുഖ്യമന്ത്രി നല്കിയ മറുപടി വലിയ ചിരിയായിരുന്നു. കള്ളക്കടത്തുകാരെ മഹത്വവത്കരിക്കരിക്കാനുള്ള ശ്രമമാണ് താൻ നടത്തുന്നതെന്നാണ് മുഖ്യമന്ത്രി പറയുന്നത്. അത്രത്തോളം അദ്ദേഹം കടന്ന് പറയേണ്ടിയിരുന്നില്ലെന്നും പിവി അൻവര് പറഞ്ഞു.
