തദ്ദേശ തെരഞ്ഞെടുപ്പ് മുതല് ലോക്സഭാ തെരഞ്ഞെടുപ്പ് വരെ ഒരേ സമയം പൂർത്തിയാക്കാമെന്ന ശുപാർശ നിയമ കമ്മീഷൻ നൽകുമെന്ന് സൂചന. അടുത്ത അഞ്ച് വര്ഷത്തിനിടെ നിയസഭ തെരഞ്ഞെടുപ്പുകൾ ഇതിനായി ക്രമീകരിക്കണമെന്നാണ് കമ്മീഷൻ തയ്യാറാക്കിയിരുന്ന ശുപാർശ. 2024നും 2029നും ഇടയിലെ നിയമസഭ തെരഞ്ഞെടുപ്പുകൾ പരമാവധി ഒന്നിച്ചാക്കി രണ്ട് പ്രാവശ്യമായി പൂർത്തിയാക്കേണ്ടതായി വരും.. പൊതു വോട്ടര് പട്ടിക തയ്യാറാക്കണം എന്നതാണ് മറ്റൊരു ശുപാർശ. അധികാരത്തിലുള്ള സര്ക്കാര് വീഴുകയോ തൂക്കുസഭ ആകുകയോ ചെയ്താല് വിവിധ രാഷ്ട്രീയ പാര്ട്ടികളുടെ പ്രതിനിധികളെ ഉള്ക്കൊള്ളിച്ച് ഐക്യ സര്ക്കാര് രൂപീകരിക്കാനും കമ്മീഷന് നിര്ദേശിക്കുന്നുണ്ടെന്നാണ് വിവരം.
