ഗതാഗത പരിഷ്കാരത്തിനെതിരെ കെപിസിസി പ്രസിഡന്റ് കെ സുധാകരന്. വേഗപരിധിയുടെ കാര്യത്തില് സമ്പൂര്ണ ആശയക്കുഴപ്പമാണുള്ളത്. ദേശീയപാതകളിലെ വേഗപരിധി സംബന്ധിച്ച് കേന്ദ്രഗതാഗത മന്ത്രാലയത്തിന്റെ 2018 ലെ വിജ്ഞാപന പ്രകാരം ഒരു നിരക്കും സംസ്ഥാന സര്ക്കാരിന്റെ 2014 ലെ വിജ്ഞാപന പ്രകാരം മറ്റൊരു നിരക്കുമാണ് നിലവിലുള്ളത്. സംസ്ഥാന സര്ക്കാരിന്റെ നിരക്ക് കേന്ദ്രത്തിന്റേതിനു തുല്യമാക്കണമെന്ന സംസ്ഥാന ട്രാന്സ്പോര്ട്ട് കമ്മീഷണറുടെ ശുപാർശ സര്ക്കാര് പൂഴ്ത്തിവച്ചിരിക്കുന്നു. ഇത്തരം ആശയക്കുഴപ്പം വ്യാപകമായി നിലനില്ക്കുമ്പോള് വേഗപരിധി സംബന്ധിച്ച് ആവശ്യത്തിന് സൈന് ബോര്ഡുകള് പോലും ഇല്ലാത്തത് യാത്രക്കാരെ മനഃപൂര്വം കുടുക്കാനാണെന്നു സംശയിക്കണം.സാങ്കേതികമായ പിഴവുകള് തിരുത്തിയ ശേഷം നടപ്പാക്കുന്ന ട്രാഫിക് പരിഷ്കാരത്തോട് പൂര്ണയോജിപ്പാണുള്ളതെന്ന് സുധാകരന് പറഞ്ഞു.
