എ.ഡി.എം നവീന് ബാബുവിന്റെ വീട് സന്ദര്ശിച്ച് ഗവര്ണര് ആരിഫ് മുഹമ്മദ് ഖാന്. കുടുംബത്തെ ആശ്വസിപ്പിക്കാനാണ് എത്തിയതെന്നും മറ്റ് കാര്യങ്ങളില് ഇപ്പോള് പ്രതികരിക്കാനില്ലെന്നും കുടുംബം പരാതി നല്കിയാല് ആവശ്യമായ ഇടപെടല് നടത്തുമെന്നും ഗവര്ണര് വ്യക്തമാക്കി. അരമണിക്കൂറോളം സമയം ഗവര്ണര് നവീന് ബാബുവിന്റെ വീട്ടില് ചിലവഴിച്ചു. കേസില് കക്ഷി ചേരാനിടയായ സാഹചര്യവും വിവരിച്ചിട്ടുണ്ട് ഇതുമായി ബന്ധപ്പെട്ട് കൂടുതല് എന്തെങ്കിലും പരാതികളുണ്ടെങ്കില് അറിയിക്കണമെന്നും അദ്ദേഹം നവീന് ബാബുവിന്റെ കുടുംബാംഗങ്ങളോട് പറഞ്ഞു. അതോടൊപ്പം എഡിഎം നവീന് ബാബുവിന്റേത് ആത്മഹത്യ തന്നെയാണെന്നാണ് പോസ്റ്റുമോര്ട്ടം റിപ്പോര്ട്ട്. പുലര്ച്ചെ നാലരയ്ക്കും അഞ്ചരയ്ക്കും ഇടയിലാണ് മരണമെന്നാണ് റിപ്പോര്ട്ടിലുള്ളത് .
