സംസ്ഥാനത്ത് സ്വര്ണവിലയില് ഇന്ന് വലിയ വര്ധന. ഗ്രാമിന് 175 രൂപ വര്ധിച്ച് 11,645 രൂപയായി. പവന്വിലയില് 1,400 രൂപയാണ് ഇന്ന് ഉയര്ന്നത്. 93,160 രൂപ കൊടുക്കണം ഒരു പവന് സ്വര്ണം കിട്ടാന്. ലൈറ്റ് വെയിറ്റ് ആഭരണങ്ങള് നിര്മിക്കാന് ഉപയോഗിക്കുന്ന 18 കാരറ്റ് സ്വര്ണത്തിന്റെ വില ഗ്രാമിന് 9,580 രൂപയും പവന് 76,640 രൂപയുമാണ്. സ്വര്ണത്തിന് പെട്ടെന്നുള്ള കയറ്റത്തിന് കാരണം അമേരിക്കയില് ഫെഡ് പലിശനിരക്ക് കുറച്ചേക്കുമെന്ന സൂചനകളാണ്. ചൈനീസ് കേന്ദ്ര ബാങ്ക് സ്വര്ണശേഖരം വര്ധിപ്പിക്കുന്നത് ആഗോളതലത്തില് ഡിമാന്ഡ് വര്ധിപ്പിച്ച് നിര്ത്തുമെന്നാണ് കരുതുന്നത്. ഒക്ടോബറില് കുത്തനെ കൂടിക്കൊണ്ടിരുന്ന സ്വര്ണവില നവംബറില് വലിയ തോതില് വര്ധിച്ചിരുന്നില്ല. നവംബര് ഒന്നിന് വില 90,200 രൂപയായിരുന്നു. അഞ്ചിന് 89,080 രൂപയിലേക്ക് വില താഴുകയും ചെയ്തിരുന്നു. ഈ മാസം 13ന് 94,320 രൂപ വരെ ഉയര്ന്നതാണ് നവംബറിലെ വലിയ വില. ഇന്ന് ഒരു പവന് സ്വര്ണത്തിന്റെ വില 93,160 രൂപയാണെങ്കിലും മനസിനിണങ്ങിയ സ്വര്ണാഭരണം വാങ്ങാന് പണിക്കൂലിയെല്ലാം ചേര്ത്ത് 1,00,200 രൂപയാകും.
