സംസ്ഥാനത്തെ എല്ലാ സ്ഥലങ്ങളിലും തണ്ണീര്പന്തലുകള് ഒരുക്കാന് സഹകരണ വകുപ്പ് മന്ത്രി വി എന് വാസവന് നിര്ദ്ദേശിച്ചു. ചൂട് കൂടിവരുന്ന അവസ്ഥ ആയതുകൊണ്ട് കൂടിയാണ് ഇങ്ങനെയൊരു തീരുമാനമെടുത്തത്. മുഖ്യമന്ത്രിയുടെ നിര്ദ്ദേശാനുസരണം കഴിഞ്ഞ വര്ഷം സഹകരണ മേഖലയില് തണ്ണീര് പന്തലുകള് ഒരുക്കിയിരുന്നു. ജനങ്ങള്ക്ക് സൗകര്യങ്ങള് ഒരുക്കുന്നതിനായി സഹകരണവകുപ്പ് ഈ ഉത്തരവാദിത്വം ഏറ്റെടുക്കുകയാണന്ന് മന്ത്രി അറിയിച്ചു.തണ്ണീര്പ്പന്തലുകളില് സംഭാരം, തണ്ണിമത്തന് ജ്യൂസ് തണുത്ത വെള്ളം, ഒആര്എസ് എന്നിവ കരുതണം. പൊതുജനങ്ങള്ക്ക് ഇത്തരം ‘തണ്ണീര് പന്തലുകള്’ എവിടെയാണ് എന്ന അറിയിപ്പും നല്കണം. ഇവയ്ക്കായി പൊതു കെട്ടിടങ്ങള്, സുമനസ്കര് നല്കുന്ന കെട്ടിടങ്ങള് എന്നിവ ഉപയോഗിക്കാം. അടുത്ത 15 ദിവസത്തിനുള്ളില് ഇതു നടപ്പാക്കുവാനാണ് മന്ത്രി നിര്ദേശം നല്കിയിരിക്കുന്നത്.
