ദുല്‍ഖര്‍ സല്‍മാന്‍ നായകനായി ഏറ്റവും ഒടുവില്‍ റിലീസ് ചെയ്ത ‘ഐ ആം ഗെയിമി’ലെ പുതിയ വീഡിയോ ഗാനം പുറത്ത്. ‘നിനച്ചത് നടക്കിറ നേരമേ…’എന്ന ഗാനത്തിന് വരികള്‍ എഴുതിയിരിക്കുന്നത് വിനായക് ശശികുമാറും അറിവും ചേര്‍ന്നാണ്. സംഗീതം: ജേക്‌സ് ബിജോയ്. ആലാപനം: അറിന്, ആനന്ദ് ശ്രീരാജ്. സംവിധാനം: നഹാസ് ഹിദായത്ത്. ദുല്‍ഖറിന്റെ വേഫെറര്‍ ഫിലിംസിന്റെ ബാനറില്‍ ദുല്‍ഖര്‍ സല്‍മാനും ജോം വര്‍ഗീസും ചേര്‍ന്നാണ് ചിത്രം നിര്‍മ്മിച്ചത്. തിരക്കഥ: സജീര്‍ ബാബ, ഇസ്മായില്‍ അബൂബക്കര്‍, ബിലാല്‍ മൊയ്ദു. സംഭാഷണം: സജീര്‍ ബാബ, ആദര്‍ശ് സുകുമാരന്‍, ഷബാസ് റഷീദ്. തന്റെ കരിയറിലെ തന്നെ ഏറ്റവും മികച്ച പ്രകടനങ്ങളിലൊന്ന് സമ്മാനിച്ച ദുല്‍ഖര്‍ ആണ് ഈ ചിത്രത്തിന്റെ നട്ടെല്ല്.