കാവ്യ ഫിലിം കമ്പനി നിര്‍മിച്ച്, രഞ്ജന്‍ പ്രമോദ് ഒരുക്കിയ ‘നൈറ്റ് ഷോസ്’ ടീസര്‍ പുറത്ത്. ദൃശ്യങ്ങളുടെയും ശബ്ദത്തിന്റെയും പുതിയൊരു ലോകത്തേക്കാണ് ചിത്രം പ്രേക്ഷകരെ കൂട്ടിക്കൊണ്ട് പോകുന്നത്. ഡിജെ പാര്‍ട്ടിയുടെയും നൈറ്റ് ലൈഫിന്റെയും ദൃശ്യങ്ങളിലൂടെ സഞ്ചരിക്കുന്ന ടീസര്‍, സിനിമയുടെ കഥാപശ്ചാത്തലത്തെക്കുറിച്ചും ദൃശ്യാവിഷ്‌കാരത്തെക്കുറിച്ചും കൗതുകം സൃഷ്ടിക്കുന്നുണ്ട്. സൗബിന്‍ ഷാഹിറും 1870 പുതുമുഖങ്ങളുമാണ് ചിത്രത്തിന്റെ താരനിരയില്‍ അണിനിരക്കുന്നത്. സാങ്കേതിക മികവിന് ഏറെ പ്രാധാന്യം നല്‍കുന്ന ചിത്രമായിരിക്കും ‘നൈറ്റ് ഷോസ്’. ശബ്ദവിന്യാസം, സംഗീതം എന്നിവയ്ക്ക് ചിത്രത്തില്‍ പ്രത്യേക പ്രാധാന്യമുണ്ടെന്നതും ടീസറിലൂടെ വ്യക്തമാകുന്നുണ്ട്.