നടപ്പ് സാമ്പത്തിക വര്‍ഷത്തിലെ (2026-27) രണ്ടാം പാദത്തില്‍ എക്കാലത്തെയും ഉയര്‍ന്ന അറ്റാദായം സ്വന്തമാക്കി സൗത്ത് ഇന്ത്യന്‍ ബാങ്ക്. ജൂലൈ-സെപ്റ്റംബര്‍ പാദത്തില്‍ ബാങ്കിന്റെ അറ്റാദായം 21.28 ശതമാനം വര്‍ധിച്ച് 426.13 കോടി രൂപയിലെത്തി. കഴിഞ്ഞ സാമ്പത്തിക വര്‍ഷത്തെ സമാന പാദത്തില്‍ ഇത് 351.31 കോടി രൂപയായിരുന്നു. 37.95 ശതമാനം വാര്‍ഷിക വളര്‍ച്ചയോടെ അറ്റ പലിശ വരുമാനം 1,116 കോടി രൂപയായി. ബാങ്കിന്റെ പ്രവര്‍ത്തന ലാഭം 37 ശതമാനം വര്‍ധിച്ച് 732 കോടി രൂപയിലെത്തി. മൊത്ത നിഷ്‌ക്രിയ ആസ്തി മുന്‍വര്‍ഷത്തെ 2.93 ശതമാനത്തില്‍ നിന്ന് 169 ബേസിസ് പോയിന്റ് കുറഞ്ഞ് 1.24 ശതമാനത്തിലെത്തി. പ്രവാസി നിക്ഷേപത്തില്‍ മാത്രം 5,008 കോടി രൂപയുടെ വര്‍ധന ഉണ്ടായി.