പറവൂര് മണ്ഡലത്തിലെ പുനര്ജനി പദ്ധതിക്കായുള്ള എല്ലാ ബാങ്കു വിവരങ്ങളും തേടിയാണ് കത്തു നല്കുന്നത്. പ്രതിപക്ഷ നേതാവ് വി.ഡി.സതീശന്റെ വിദേശയാത്രാ വിവരങ്ങളും വിജിലന്സ് വരും ദിവസങ്ങളില് തേടും. എല്ലാ ഫയലുകളും രേഖകളും പരിശോധിച്ചശേഷമായിരിക്കും വി.ഡി. സതീശന്റെ മൊഴി രേഖപ്പെടുത്തുക. പുനർജനി പദ്ധതിക്കായി സതീശൻ പണപ്പിരിവ് നടത്തിയിട്ടുണ്ടോ, പണം ചെലവഴിച്ചതിൽ ക്രമക്കേട് ഉണ്ടോ, അനുമതി വാങ്ങാതെയാണോ സതീശന്റെ വിദേശ യാത്രകൾ തുടങ്ങിയവയാണ് അന്വേഷണ പരിധിയിലുള്ളത്.
