ചുവപ്പിനെ പ്രണയിച്ച് പൊതുരംഗത്ത് ശക്തമായി തുടരുമെന്ന് കെ ടി ജലീലിന്റെ ഫേസ്ബുക്ക് കുറിപ്പ്. താനുമായി ബന്ധപ്പെട്ട് ചിലര് സമൂഹ മാധ്യമങ്ങളില് പ്രചരിപ്പിക്കുന്നതെല്ലാം അസംബന്ധങ്ങളാണ്. ചെങ്കൊടി വിട്ട് തനിക്ക് ഇനിയൊരു രാഷ്ട്രീയമില്ലെന്നും അദ്ദേഹം വ്യക്തമാക്കി. മുസ്ലീം ലീഗ് തന്റേയും കൂടി പാര്ട്ടിയാണെന്നും തിരിച്ചുവിളിച്ചാല് പോകാന് തയ്യാറാണെന്നും ജലീല് പറഞ്ഞതായി സോഷ്യല് മീഡിയില് പ്രചാരണമുണ്ടായിരുന്നു. ഇതിനെതിരായാണ് ജലീലിന്റെ കുറിപ്പ്.
