സഞ്ചാര് സാഥി ആപ്പ് ചാരവൃത്തിക്കുള്ളതല്ലെന്നും ഇതിൽ രാഷ്ട്രീയം കലര്ത്തുന്നത് അനാവശ്യമാണെന്നും ബിജെപി വക്താവ് സംബിത് പാത്ര. സഞ്ചാര് സാഥി ആപ്പിന് മേസേജുകള് വായിക്കാനാകില്ല ഫോണ് കോളുകള് കേള്ക്കാനാകുമാകില്ല സഞ്ചാര് സാഥി ആപ്പിന് വ്യക്തിപരമായ വിവരങ്ങള് എടുക്കാനുമാകില്ല സുരക്ഷ ഉറപ്പാക്കാനും വ്യാജന്മാരെ തടയാനുമാണ് കേന്ദ്ര സര്ക്കാര് നടപടിയെന്നും നഷ്ടപ്പെട്ട ഫോണുകള് ഉടമകള്ക്ക് തിരിച്ചു ലഭിക്കുന്നതിനും ആപ്പ് സഹായകമാകുമെന്നും അദ്ദേഹം പറഞ്ഞു. ആരുടെ മനസിലാണോ കള്ളത്തരമുള്ളത് അവർ സഞ്ചാർ സാഥി ആപ്പ് ഉപയോഗിക്കില്ലെന്നും സംബിത് പാത്ര പറഞ്ഞു. ചിലർ കോടികളുടെ അഴിമതി നടത്തിയ കേസിൽ ജാമ്യത്തിലാണ് നടക്കുന്നത്. അവരൊന്നും ഒരു കാരണവശാലും ആപ്പ് ഉപയോഗിക്കില്ലെന്നും പ്രതിപക്ഷ നേതാക്കളെ പരോക്ഷമായി വിമര്ശിച്ചുകൊണ്ട് സംബിത് പാത്ര പറഞ്ഞു.
