ലോക്സഭാ തെരഞ്ഞെടുപ്പില് അമേഠിയില് രാഹുല് ഗാന്ധി മത്സരിക്കുമെന്ന റിപ്പോര്ട്ടില് പ്രതികരിച്ച് പ്രതിപക്ഷ നേതാവ് വി ഡി സതീശന്. രാഹുല് കേരളത്തില് തന്നെ മത്സരിക്കണമെന്നാണ് വി ഡി സതീശന്റെ പ്രതികരണം. രാഹുല് ഗാന്ധി കേരളം വിട്ടുപോകില്ലെന്നാണ് പ്രതീക്ഷിക്കുന്നത്. ഇക്കാര്യത്തില് അന്തിമ തീരുമാനം ഹൈക്കമാന്റിന്റേതാണെന്ന് വി ഡി സതീശന് പറഞ്ഞു. അജയ് റായ് പറഞ്ഞത് അദ്ദേഹത്തിന്റെ ആഗ്രഹമാണെന്നും രാഹുല് എവിടെ മത്സരിക്കും എന്നതില് ഉചിതമായ സമയത്ത് തീരുമാനം എടുക്കുമെന്നും കോണ്ഗ്രസ് നേതൃത്വം വ്യക്തമാക്കി.
