പ്രേക്ഷരേവരും ഏറ്റെടുത്ത ‘മന്ദാകിനി’ എന്ന ചിത്രത്തിന് ശേഷം നടന് അല്ത്താഫ് സലീമും അനാര്ക്കലി മരക്കാറും വീണ്ടും ഒന്നിക്കുന്ന ‘ഇന്നസെന്റ് ‘ എന്ന സിനിമയുടെ ചിരിയൊളിപ്പിച്ച ഒഫീഷ്യല് ട്രെയിലര് പുറത്തിറങ്ങി. സര്ക്കാര് ഓഫീസിലെ നൂലാമാലകളും മറ്റുമൊക്കെയായി പ്രായഭേദമെന്യേ ചിരിച്ചാഘോഷിച്ച് കാണാന് പറ്റുന്ന ചിത്രമെന്നാണ് ട്രെയിലര് കാണുമ്പോള് മനസ്സിലാക്കാന് കഴിയുന്നത്. ഒക്ടോബറിലാണ് സിനിമയുടെ വേള്ഡ് വൈഡ് റിലീസ്. സോഷ്യല് മീഡിയ താരം ടാന്സാനിയന് സ്വദേശിയായ കിലി പോള് ആദ്യമായി അഭിനയിക്കുന്ന മലയാള സിനിമയും കൂടിയായാണ് ‘ഇന്നസെന്റ് ‘ എത്തുന്നത്. ചിത്രം ഒരു ടോട്ടല് ഫണ് റൈഡ് ആണെന്നാണ് ട്രെയിലര് നല്കുന്ന സൂചനകള്. ജോമോന് ജ്യോതിര്, അസീസ് നെടുമങ്ങാട്, മിഥുന്, നോബി, അന്ന പ്രസാദ്, ലക്ഷ്മി സഞ്ജു, വിനീത് തട്ടില്, അശ്വിന് വിജയന്, ഉണ്ണി ലാലു തുടങ്ങി നിരവധി താരങ്ങളാണ് ചിത്രത്തില് ഒരുമിക്കുന്നത്. എലമെന്റ്സ് ഓഫ് സിനിമയുടെ ബാനറില് എം ശ്രീരാജ് എ.കെ.ഡി നിര്മ്മിക്കുന്ന സിനിമ സംവിധാനം ചെയ്യുന്നത് സതീഷ് തന്വിയാണ്.
