കേന്ദ്ര ധനമന്ത്രി നിർമ്മലാ സീതാരാമൻ തെരഞ്ഞെടുപ്പ് നടക്കാനിരിക്കുന്ന ബിഹാറിനെയും തെരഞ്ഞെടുപ്പ് നടക്കുന്ന ദില്ലിയെയും മാത്രമാണ് ബജറ്റിൽ പരിഗണിച്ചതെന്ന് പ്രതിപക്ഷത്തിന്റെ വിമർശനം. തെരഞ്ഞെടുപ്പ് നടക്കുന്ന ദില്ലിയിലെ വോട്ടര്മാരെയാകെ ലക്ഷ്യമിട്ടാണ് ആദായ നികുതിയില് വന് മാറ്റം പ്രഖ്യാപിച്ചതെന്നും ഈ വര്ഷം തെരഞ്ഞെടുപ്പ് നടക്കാന് പോകുന്ന ബിഹാറിന് വാരിക്കോരിയും നല്കിയെന്നുമാണ് ആരോപണം. ബിഹാറിലെ പദ്മശ്രീ ജേതാവ് ദുലാരി ദേവി സമ്മാനിച്ച സാരിയുമുടുത്ത് ബജറ്റ് അവതരിപ്പിക്കാനെത്തിയ ധനമന്ത്രി അഞ്ച് തവണയാണ് ബിഹാറിനായുള്ള പ്രത്യേക പദ്ധതികള് പ്രഖ്യാപിച്ചത്.
