ലോകായുക്ത, സര്വകലാശാല നിയമഭേദഗതി ബില്ലുകള് അടക്കം രാജ്ഭവനില് തുടര്നടപടികള് സ്വീകരിക്കാതെ അനന്തമായി പിടിച്ചുവയ്ക്കുന്ന ഗവര്ണർ ആരിഫ് മുഹമ്മദ് ഖാനെതിരെ സര്ക്കാര് സുപ്രീംകോടതിയില് ഹര്ജി ഫയല് ചെയ്തു. നിയമോപദേശത്തിന്റെ അടിസ്ഥാനത്തിലാണ് സർക്കാർ നീക്കം. എട്ട് ബില്ലുകളില് ഗവര്ണര് ഒപ്പിട്ടിട്ടില്ലെന്ന് ചൂണ്ടിക്കാട്ടിയാണ് സര്ക്കാര് ഹര്ജി ഫയല് ചെയ്തിരിക്കുന്നത്. ബില്ലുകളിൽ അനന്തമായി തീരുമാനം നീട്ടാൻ ആകില്ലെന്നാണ് സര്ക്കാര് നിലപാട്.
