വിനേഷ് ഫോഗട്ടിന് നേരിട്ട തിരിച്ചടിയില് ഇന്ത്യൻ ഒളിംപിക്സ് അസോസിയേഷനെതിരെ വിമര്ശനവുമായി പഞ്ചാബ് മുഖ്യമന്ത്രി ഭഗവന്ത് മൻ. ഇന്ത്യൻ ഒളിംപിക്സ് അസോസിയേഷൻ എന്തെടുക്കുകയായിരുന്നുവെന്നും, അയോഗ്യയാക്കിയിട്ടും മറ്റൊരു അവസരത്തിനായി എന്തുകൊണ്ട് ആവശ്യപ്പെട്ടില്ലെന്നും ഭഗവന്ത് മൻ ചോദിച്ചു. മൂന്നു തവണ ഒരു ദിവസം വിജയിച്ച താരത്തിന്റെ എല്ലാ മത്സരങ്ങളും റദ്ദാക്കുന്ന നടപടിയാണുണ്ടായത്. ലക്ഷങ്ങള് പ്രതിഫലം വാങ്ങുന്ന ഉദ്യോഗസ്ഥര് പാരീസില് ഒഴിവുദിവസം ആഘോഷിക്കാനാണോ പോയതെന്നും ഭഗവന്ത് മൻ ചോദിച്ചു.
