പതിമൂവായിരത്തോളം പേരെ സൈന്യം മണിപ്പൂരിലെ കലാപ മേഖലകളില് നിന്നും ഇതുവരെ ഒഴിപ്പിച്ചു. ഇവരെ സൈനിക ക്യാമ്പുകളിലേക്കും സർക്കാർ ഓഫീസുകളിലേക്കും മാറ്റിപ്പാര്പ്പിച്ചു. ചുരാചന്ദ്പ്പൂരില് സൈന്യം ഒഴിപ്പിക്കല് നടത്തുമ്പോള് സംഘർഷമുണ്ടായതിന് പിന്നാലെ നാല് പേർ വെടിയേറ്റ് മരിച്ചു. ഇംഫാലില് ആദായ നികുതി വകുപ്പ് ഉദ്യോഗസ്ഥനായ ലെറ്റ്മിന്താങ് ഹകോപിനെ വീട്ടില് നിന്ന് വലിച്ച് പുറത്തിറക്കിയാണ് അക്രമികള് കൊലപ്പെടുത്തിയത്. അതിനിടെ, മണിപ്പൂരില് കുടുങ്ങിയ മലയാളി വിദ്യാർത്ഥികളില് 9 പേരെ സംസ്ഥാന സർക്കാർ തിങ്കളാഴ്ച നാട്ടിലെത്തിക്കും.
