താനൂരിൽ ലഹരി മരുന്ന് കേസിൽ പിടിയിലായ താമിര് ജിഫ്രി പൊലീസ് കസ്റ്റഡിയിൽ മരിച്ച സംഭവത്തിൽ എട്ട് പൊലീസുകാർക്ക് സസ്പെൻഷൻ. തൃശൂർ ഡിഐജി അജിതാ ബീഗമാണ് സസ്പെന്റ് ചെയ്തത്. മുഖ്യമന്ത്രിയുടെ ഓഫിസിന്റെ ഇടപെടലിലാണ് നടപടി. കസ്റ്റഡി മർദ്ദനം നടന്നതായാണ് ഇന്റലിജിൻസ് റിപ്പോർട്ട്. ഇതേതുടർന്നാണ് കർശന നടപടിക്ക് നിർദേശം നൽകിയത്.താനൂരില് പൊലീസ് കസ്റ്റഡിയില് മരിച്ച താമിര് ജിഫ്രിയ്ക്ക് ക്രൂരമായി മര്ദനമേറ്റതായി തെളിയിക്കുന്നതാണ് പോസ്റ്റ്മോര്ട്ടം റിപ്പോര്ട്ട്. താമിറിന്റെ ശരീരത്തില് 13 പരുക്കുകളുണ്ടായിരുന്നു. ശരീരമാസകലം മര്ദനമേറ്റ പാടുകളുണ്ടെന്നും പോസ്റ്റ്മോര്ട്ടം റിപ്പോര്ട്ടിലുണ്ട്.
