ഇന്ന് നടന്ന നിർണായക മത്സരത്തിൽ ഡല്ഹി ക്യാപിറ്റല്സിനെ 77 റണ്സിന് തോല്പ്പിച്ച് ചെന്നൈ പ്ലേ ഓഫിലെത്തി. നേരത്തെ, ഗുജറാത്ത് ടൈറ്റന്സും പ്ലേ ഓഫിന് യോഗ്യത നേടിയിരുന്നു.224 റണ്സ് വിജയലക്ഷ്യം മുന്നോട്ടുവച്ച ചെന്നൈ ഡൽഹിയെ ഒമ്പത് വിക്കറ്റ് നഷ്ടത്തില് 146 റണ്സിനൊതുക്കുകയായിരുന്നു. 58 പന്തില് 86 റണ്സെടുത്ത ഡേവിഡ് വാര്ണറാണ് ഡൽഹിയുടെ ടോപ് സ്കോറര്. ചെന്നൈക്കായി ദീപക് ചാഹര് മൂന്ന് വിക്കറ്റ് വീഴ്ത്തി. മതീഷ പതിരാന, മഹീഷ് തീക്ഷണ എന്നിവര് രണ്ട് വിക്കറ്റുകൾ നേടി.
