കൊല്ക്കത്തയിലെ ജൂനിയര് ഡോക്ടറുടെ കൊലപാതകത്തില് രാജ്യവ്യാപകമായി പ്രതിഷേധം ശക്തമാകുന്നു. കേരളത്തിൽ പിജി സീനിയർ ഡോക്ട്ടർമാർ ഒപിയും വാർഡ് ഡ്യൂട്ടിയും ബഹിഷ്കരിച്ചു. തങ്ങളുടെ ആവശ്യങ്ങള് അംഗീകരിച്ചില്ലെങ്കില് അനിശ്ചിതകാല സമരം നടത്തുമെന്ന് ഐഎംഎ അടക്കമുള്ള ഡോക്ടര്മാരുടെ സംഘടനകള് മുന്നറിയിപ്പ് നല്കി. ആശുപത്രികള് സേഫ് സോണുകള് ആയി പ്രഖ്യാപിക്കണം, ആശുപത്രി ജീവനക്കാര്ക്കെതിരായ ആക്രമണം തടയാന് കേന്ദ്ര നിയമം വേണം, ആശുപത്രിയില് സുരക്ഷിതത്വം ഉറപ്പ് വരുത്തണം, കൊല്ലപ്പെട്ട പെണ്കുട്ടിക്ക് നീതി വേണം എന്നിവയാണ് സമരക്കാരുടെ ആവശ്യങ്ങള്. അതിനിടെ സൂചനാ പണിമുടക്കിന് ഐഎംഎ ആഹ്വാനം ചെയ്തു. നാളെ രാവിലെ ആറുമുതല് 24 മണിക്കൂര് രാജ്യവ്യാപക സമരത്തിനാണ് ആഹ്വാനം ചെയ്തിരിക്കുന്നത്.
