കോഴിക്കോട്: വോട്ട് ആരുടെ ആയാലും സ്വീകരിക്കുമെന്ന് യുഡിഎഫ് സ്ഥാനാർഥി പിവി അൻവർ. പിണറായിസത്തിനും മരുമോനിസത്തിനുമെതിരെ ആര് വോട്ട് തന്നാലും സ്വീകരിക്കുമെന്ന് പിവി അൻവർ വ്യക്തമാക്കി . എസ്ഡിപിഐയുടെ വോട്ട് സ്വീകരിക്കുമോ എന്ന മാധ്യമപ്രവർത്തകരുടെ ചോദ്യത്തിനായിരുന്നു അൻവറിൻ്റെ മറുപടി.ഇഡിയുടെ കള്ളപ്പണ ഇടപാട് കേസിലെ റിപ്പോർട്ട് ആശ്വാസം നൽകുന്നതാണ്.വികസനം ഉയർത്തിയപ്പോൾ കേസുകൾ ഉയർത്തി തന്നെ വ്യക്തിഹത്യ നടത്തി. രാഷ്ട്രീയപോരാട്ടത്തിന് എത്തിയ താൻ വൈകാരികമായി പ്രതികരിച്ചു . ബേപ്പൂരിലേക്ക് കെഎസ്ആർടിസി ബസ് പോലുമില്ല. എങ്ങും വികസന മുരടിപ്പാണെന്നും പിവി അൻവർ പറഞ്ഞു.
