തമിഴിലെ പ്രശസ്ത സംവിധായകന് റാം രചനയും സംവിധാനവും നിര്വഹിച്ച്, നിവിന് പോളി പ്രധാന വേഷത്തില് എത്തുന്ന തമിഴ് റൊമാന്റിക് സൈക്കോളജിക്കല് ത്രില്ലര് ചിത്രം ‘യേഴു കടല് യേഴു മലൈ’ ഒക്ടോബര് ഒന്നിന് ആഗോള റിലീസായി തിയേറ്ററുകളിലെത്തും. ദുല്ഖര് സല്മാന്റെ വേഫെറര് ഫിലിംസ് ആണ് ചിത്രം കേരളത്തില് പ്രദര്ശനത്തിന് എത്തിക്കുന്നത്. നിവിന് പോളി, അഞ്ജലി, സൂരി എന്നിവരാണ് ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിക്കുന്നത്. 8000ത്തിലധികം വര്ഷങ്ങളായി മരണമില്ലാതെ ജീവിക്കുന്ന അമരനായ കഥാപാത്രത്തെയാണ് ചിത്രത്തില് നിവിന് പോളി അവതരിപ്പിക്കുന്നത് എന്നാണ് സൂചന. ഒരു ട്രെയിന് യാത്രയ്ക്കിടയില് കണ്ടുമുട്ടുന്ന സാധാരണക്കാരനായ ഒരാളും നൂറ്റാണ്ടുകളായി തന്റെ പ്രണയം തേടി അലയുന്ന ഒരു അമരനായ വ്യക്തിയും തമ്മിലുള്ള ബന്ധത്തിന്റെ കഥയാണ് ചിത്രം പറയുന്നത്. യുവാന് ശങ്കര് രാജയാണ് ചിത്രത്തിന് സംഗീതമൊരുക്കിയത്. രവി മരിയ, എന് അഴക പെരുമാള് എന്നിവരും ചിത്രത്തില് വേഷമിട്ടിട്ടുണ്ട്.
