നികുതിദായകരുടെ പണം കൊണ്ട് എ.കെ.ശശീന്ദ്രനെപ്പോലുള്ളവരെ തീറ്റിപ്പോറ്റേണ്ട കാര്യമില്ലെന്നും, ജനങ്ങളുടെ ജീവന് സംരക്ഷണം ഉറപ്പാക്കാൻ കഴിയാത്ത വനംമന്ത്രിയെ പുറത്താക്കണമെന്നും കേന്ദ്രമന്ത്രി വി.മുരളീധരൻ. കേന്ദ്രത്തിനെതിരെയുള്ള സമരത്തിന് കേരള കർണാടക വനംമന്ത്രിമാര് ഒരേ സമയം ഡൽഹിയിൽ ഉണ്ടായിരുന്നുവെന്നും, ഈ വിഷയത്തിൽ എന്തെങ്കിലും ചർച്ച നടത്തിയിരുന്നുവെങ്കിൽ ജനങ്ങള്ക്ക് പ്രയോജനം ലഭിച്ചേനെയെന്നും അദ്ദേഹം പറഞ്ഞു. കര്ണാടക ഭരിക്കുന്നവരുടെ നേതാവ് കൂടിയായ വയനാട് എംപി രാഹുൽഗാന്ധി മണ്ഡലത്തില് നടക്കുന്നതൊന്നും അറിഞ്ഞിട്ടില്ലെന്ന് തോന്നുന്നുവെന്നും കേന്ദ്ര മന്ത്രി പരിഹസിച്ചു.
