കേന്ദ്ര മന്ത്രി സുരേഷ് ഗോപിക്ക് കട്ട് പറയേണ്ടത് ജനങ്ങളാണെന്ന് ഗതാഗത മന്ത്രി കെബി ഗണേഷ് കുമാര്. സുരേഷ് ഗോപിക്ക് കട്ട് പറയാൻ താൻ സംവിധായകനല്ലെന്നും ആക്ഷനും റിയാക്ഷനുമൊക്കെ അവരവരുടെ ഇഷ്ടമാണ് എന്നാൽ, ജനങ്ങളാണ് കട്ട് പറയേണ്ടതെന്നും സുരേഷ് ഗോപിയുമായുള്ള മുൻ അനുഭവവും ഗണേഷ് കുമാര് വെളിപ്പെടുത്തി. കമ്മീഷണര് എന്ന സിനിമ റീലിസ് ചെയ്തപ്പോള് കാറിന് പുറകിൽ എസ്പിയുടെ തൊപ്പി വെച്ചിരുന്നയാളാണ് സുരേഷ് ഗോപിയെന്ന് ഗണേഷ് കുമാര് പരിഹസിച്ചു. വര്ഷങ്ങള്ക്ക് മുമ്പ് ഭരത് ചന്ദ്രൻ ഐപിഎസ് ആയി അഭിനയിച്ചപ്പോഴായിരുന്നു പൊലീസ് തൊപ്പി കാറിന്റെ പിന്നിൽ സ്ഥിരമായി വെച്ചിരുന്നത്. സാധാരണ ഉന്നത പൊലീസുകാര് കാറിൽ യാത്ര ചെയ്യുമ്പോള് അവരുടെ തൊപ്പി ഊരി സീറ്റിന്റെ പിന്നിൽ വെക്കാർഉണ്ടെന്നും ഗണേഷ് കുമാർ വ്യക്തമാക്കി.
