കണ്ണൂര് ആന്തൂര് മുനിസിപ്പാലിറ്റിയില് മൂന്ന് സിപിഎം സ്ഥാനാര്ഥികള് കൂടി എതിരില്ലാതെ തിരഞ്ഞെടുക്കപ്പെട്ടു. കണ്ണപുരം പഞ്ചായത്തിലും പത്രികകള് തള്ളിയതോടെ രണ്ട് എല്ഡിഎഫ് സ്ഥാനാര്ഥികള്ക്ക് എതിരാളികളില്ലാതായി.ആന്തൂര് മുനിസിപ്പാലിറ്റിയിലെ തളിയില്, കോടല്ലൂര് ഡിവിഷനുകളിലെ യുഡിഎഫ് സ്ഥാനാര്ഥികളുടെ പത്രിക തള്ളി. ഒപ്പിട്ടത് തങ്ങളല്ലെന്ന് നാമനിര്ദേശകര് സാക്ഷ്യം പറഞ്ഞതോടെയാണ് പത്രിക അസാധുവായത്. തര്ക്കമുന്നയിച്ച തളിവയലില്, കോള്മൊട്ട ഡിവിഷനുകളിലെ യുഡിഎഫ് സ്ഥാനാര്ഥികളുടെ പത്രിക അംഗീകരിച്ചു. സിപിഎമ്മുകാര് തട്ടിക്കൊണ്ടുപോയെന്ന് കോണ്ഗ്രസ് ആരോപിച്ച ഇരുപത്തിയാറാം വാര്ഡിലെ യുഡിഎഫ് സ്ഥാനാര്ഥി പത്രിക പിന്വലിക്കുകയും ചെയ്കതു. 29 ഡിവിഷനുകളില് ആകെ അഞ്ചിടത്ത് എതിരില്ലാതെ തെരഞ്ഞെടുക്കപ്പെട്ടതോടെ ധര്മ്മശാല ടൗണില് എല്ഡിഎഫ് ആഹ്ളാദപ്രകടനം നടത്തി.
