സംസ്ഥാന സര്ക്കാര് വിഴിഞ്ഞം തുറമുഖത്തിന്റെ രണ്ടാം ഘട്ട വികസന പ്രവര്ത്തനങ്ങള്ക്കായി അദാനി ഗ്രൂപ്പുമായി കരാറില് ഒപ്പിട്ടു. 2028 ഓടുകൂടി പതിനായിരം കോടി രൂപയുടെ കൂടി നിക്ഷേപം തുറമുഖം വഴി ആകര്ഷിക്കാന് കഴിയുമെന്ന് പ്രതീക്ഷിക്കുന്നതായി വിഴിഞ്ഞം ഇന്റര്നാഷണല് സീപോര്ട്ട് ലിമിറ്റഡ് മാനേജിങ് ഡയറക്ടര് ഡോ. ദിവ്യ എസ് അയ്യര് പ്രതീക്ഷ പ്രകടിപ്പിച്ചു. ഇത് ജനങ്ങളുടെ തുറമുഖമാണ്. തലമുറകളുടെ സ്വപ്നമായിരുന്നു വിഴിഞ്ഞം തുറമുറഖമെന്നും ഡോ. ദിവ്യ എസ് അയ്യര് കൂട്ടിച്ചേര്ത്തു. കേരള സ്റ്റാര്ട്ടപ്പ് മിഷന് സംഘടിപ്പിക്കുന്ന ഹഡില് ഗ്ലോബല് ആറാം പതിപ്പിനോടനുബന്ധിച്ച് ‘വിഴിഞ്ഞം തുറമുഖത്തിന്റെ സാമ്പത്തിക സാധ്യതകള്’ എന്ന വിഷയത്തില് നടന്ന പാനല് ചര്ച്ചയില് സംസാരിക്കുകയായിരുന്നു അവര്.
