ബാണാസുര സാഗര് അണക്കെട്ടിന്റെ ഷട്ടർ തുറന്നു. സെക്കന്ഡില് 8.5 ക്യൂബിക് മീറ്റര് ജലമാണ് അണക്കെട്ടില് നിന്നും പുറത്തേക്ക് ഒഴുക്കിക്കളയുക. ഘട്ടം ഘട്ടമായി സെക്കന്ഡില് 35 ക്യൂബിക് മീറ്റര് വരെ വെള്ളമാണ് സ്പില് വേ ഷട്ടര് തുറന്ന് ഒഴുക്കികളയുക. അണക്കെട്ടിന്റെ സംഭരണശേഷി 773.50 മീറ്ററില് എത്തിയതോടെയാണ് അധിക ജലം ഷട്ടര് തുറന്ന് പുറത്തേക്ക് ഒഴുക്കിക്കളയുന്നത്. പ്രദേശവാസികളും അണക്കെട്ടിന്റെ ബഹിര്ഗമന പാതയിലുള്ളവരും പുഴയോരത്തും താഴ്ന്ന പ്രദേശങ്ങളിലും താമസിക്കുന്നവരും ജാഗ്രത പാലിക്കണമെന്ന് ജില്ലാ ദുരന്ത നിവാരണ അതോറിറ്റി ചെയര്പേഴ്സണ് കൂടിയായ ജില്ലാ കളക്ടര് അറിയിച്ചു.
