ദില്ലി: യുദ്ധം രൂക്ഷമായതിന് പിന്നാലെ ആഗോള വിപണിയില് അലുമിനിയം വില കുതിച്ചുയരുന്നു. പ്രമുഖ അലുമിനിയം ഉല്പ്പാദക രാജ്യങ്ങളായ യുഎഇ, ബഹ്റൈന് എന്നിവിടങ്ങളിലെ നിര്മ്മാണ ശാലകള്ക്ക് നേരെ ഇറാന്റെ ആക്രമണമുണ്ടായതാണ് വിപണിയെ ഉലച്ചത്. ഇതോടെ അലുമിനിയം വില നാല് വര്ഷത്തെ ഏറ്റവും ഉയര്ന്ന നിരക്കിന് അരികിലെത്തി. ഇതോടെ ഇന്ത്യന് അലുമിനിയം കമ്പനികള്ക്ക് ഓഹരി വിപണിയില് വന് മുന്നേറ്റം നേടാനായി. ഹിന്ഡാല്കോ ഇന്ഡസ്ട്രീസ്, നാഷണല് അലുമിനിയം കമ്പനി (നാല്കോ), വേദാന്ത എന്നിവയുടെ ഓഹരികള് 2.5% മുതല് 5.5% വരെ നേട്ടമുണ്ടാക്കി.
