കര്ണാടകത്തിലെ കാര്വാര് എം.എല്.എ ഇതുവരെ ആ സ്ഥലത്തു നിന്ന് മാറിയിട്ടില്ലെന്നും, മണ്ണിടിച്ചിലിന് സാധ്യതയുണ്ടായിരുന്ന സ്ഥലത്ത് ശ്രമകരമായാണ് രക്ഷാ പ്രവര്ത്തനം നടത്തുന്നതെന്നും പ്രതിപക്ഷ നേതാവ് വിഡി സതീശൻ. എന്നാൽ കര്ണാടകത്തിലെ രക്ഷാപ്രവര്ത്തനത്തിന്റെ പേരില് മര്യാദകെട്ട പ്രചരണമാണ് നടക്കുന്നതെന്ന് അദ്ദേഹം പറഞ്ഞു. കേരളത്തില് വര്ഷങ്ങള്ക്ക് മുന്പ് ഉരുള് പൊട്ടലുണ്ടായ എത്രയോ സ്ഥലങ്ങളില് ഇതുവരെ ആളുകളെ കണ്ടെത്തിയിട്ടിയില്ല. കവളപ്പാറയില് എത്രയോ പേരെ തിരിച്ചു കിട്ടാനുണ്ടതെന്നതൊക്കെ മറന്നു പോവുകയും, തെറ്റായ വാര്ത്ത നല്കിയും നെഗറ്റീവ് സാധനങ്ങള് പറഞ്ഞും കര്ണാടകത്തിന് എതിരായ വികാരം ഉണ്ടാക്കുന്നതും ശരിയല്ലെന്നും വിഡി സതീശൻ പറഞ്ഞു, ആമയിഴഞ്ചാന് തോട്ടിലെ രക്ഷാ പ്രവര്ത്തകര്ക്ക് വേണ്ടിയും നമ്മള് പ്രാര്ത്ഥിച്ചതല്ലേ. അതുപോലെ കര്ണാടകത്തിലെ രക്ഷാ പ്രവര്ത്തകര്ക്ക് വേണ്ടിയും പ്രാര്ത്ഥിക്കണമെന്നും അദ്ദേഹം കൂട്ടിച്ചേർത്തു.
