ചിഹ്നം ലോഡ് ചെയ്ത വിവിപാറ്റ് യൂണിറ്റുകള് സ്ഥാനാര്ത്ഥികളെ കൊണ്ട് സാക്ഷ്യപ്പെടുത്തണമെന്ന് തെരഞ്ഞെടുപ്പ് കമ്മിഷന്റെ നിര്ദേശം.സ്ഥാനാര്ത്ഥിയോ പ്രതിനിധിയോ വിവിപാറ്റ് സാക്ഷ്യപ്പെടുത്തണമെന്നാണ് പുതിയ പ്രോട്ടക്കോള്. ഫലപ്രഖ്യാപനത്തിന് ശേഷം വോട്ടിങ് യന്ത്രത്തിനൊപ്പം 45 ദിവസം വിവിപാറ്റ് യൂണിറ്റുകളും സ്ട്രോങ് റൂമില് സൂക്ഷിക്കണമെന്ന നിര്ദേശവും തെരഞ്ഞെടുപ്പ് കമ്മിഷന് നല്കിയിട്ടുണ്ട്. വിവിപാറ്റുകള് പരിശോധിക്കണമെന്ന് തെരഞ്ഞെടുപ്പില് രണ്ടും മൂന്നും സ്ഥാനത്തുള്ളവര് എഴുതി നല്കിയാല് വോട്ടിങ് യന്ത്രം നിര്മ്മിച്ച എഞ്ചിനീയര്മാര് പരിശോധിച്ച് സാക്ഷ്യപ്പെടുത്തണമെന്ന് തെരഞ്ഞെടുപ്പ് കമ്മിഷന് നിര്ദേശിച്ചു.
