കോന്നി മെഡിക്കൽ കോളേജ് ആശുപത്രിയിൽ എക്സ് റേ മാറി നൽകിയെന്ന് പരാതി. കൂടൽ സ്വദേശിനിയായ 16കാരിയാണ് പരാതിയുമായി എത്തിയത്. ശ്വാസംമുട്ടലുമായി ആശുപത്രിയിലെത്തിയ പെൺകുട്ടിക്കാണ് എക്സ് റേ മാറി നൽകിയത്. ആരോഗ്യവകുപ്പിനും മെഡിക്കൽ കോളേജ് സൂപ്രണ്ടിനും പരാതി നൽകുമെന്ന് കുടുംബം അറിയിച്ചു. എക്സ് റേയുടെ താഴെ അടക്കം പേര് എഴുതിയിട്ടുണ്ട്. എന്നാൽ എങ്ങനെയാണിത് മാറിപ്പോയത് എന്നതിൽ വ്യക്തതയില്ല. സംഭവത്തിൽ പത്തനംതിട്ട ജില്ല പൊലീസ് മേധാവിക്ക് കുടുംബം പരാതി നൽകിയിട്ടുണ്ട്. പരിശോധിക്കാമെന്നാണ് പൊലീസ് മേധാവിയുടെ ഭാഗത്തുനിന്നുള്ള പ്രതികരണം.
