ഗുജറാത്തില് അതിതീവ്ര മഴയ്ക്ക് സാധ്യതയെന്ന് കേന്ദ്ര കാലാവസ്ഥാ നിരീക്ഷണ വകുപ്പിന്റെ മുന്നറിയിപ്പ്. സംസ്ഥാനത്ത് പ്രളയത്തിന് സാധ്യതയുണ്ടെന്ന് മുന്നറിയിപ്പില് പറയുന്നു. നാളെ 204 മില്ലിമീറ്ററില് അധികം മഴ പെയ്തേക്കും. സംസ്ഥാനത്ത് റെഡ് അലേര്ട്ട് പ്രഖ്യാപിച്ചിട്ടുണ്ട്. നിലവില് സൗരാഷ്ട്ര, കച്ച് മേഖലകളില് ശക്തമായ മഴപെയ്യുകയാണ്. നിരവധി താഴ്ന്ന മേഖലകള് വെള്ളത്തിനടിയിലായി. നാശനഷ്ടം സംഭവിച്ച പ്രദേശങ്ങളില് മുഖ്യമന്ത്രി ഭൂപേന്ദ്ര പട്ടേല് സന്ദര്ശനം നടത്തി.
