ഇസ്രയേലിന്റെ മൂര്ച്ചയേറിയ ആയുധങ്ങളേക്കാള് വലുതാണ് കോഴിക്കോട് ബീച്ചില് പലസ്തീനുവേണ്ടി തടിച്ചുകൂടിയ ജനസാഗരമെന്ന് മുസ്ലീംലീഗ് ദേശീയ ജനറല് സെക്രട്ടറി പി കെ കുഞ്ഞാലിക്കുട്ടി. പ്രാര്ത്ഥനയാണ് ഏറ്റവും വലിയ ആയുധമെന്നും കോഴിക്കോട് നടന്ന പലസ്തീന് അനുകൂല റാലിയില് പി കെ കുഞ്ഞാലിക്കുട്ടി പറഞ്ഞു. പലസ്തീനികള് നമ്മളെ മുറിവേല്പ്പിച്ച് മരിച്ചുവീഴുകയാണ്. ലോകത്ത് മനസാക്ഷി മരവിച്ച് നില്ക്കുന്നു. പലസ്തീനായി നമ്മള് നമ്മുടെ പ്രാര്ത്ഥന സമര്പ്പിക്കുന്നു. ഈ റാലി ഫലം കാണുമെന്നും കുഞ്ഞാലിക്കുട്ടി പറഞ്ഞു.
