കേന്ദ്ര-സംസ്ഥാന സര്ക്കാരുകള് വയനാട് പുനരധിവാസത്തില് അലംഭാവം കാട്ടുകയാണെന്ന് കെ.സുധാകരന് എംപി. പോസ്റ്റ് ഡിസാസ്റ്റര് നീഡ്സ് അസസ്മെന്റ് റിപ്പോര്ട്ട് വൈകിയതിന്റെ പേരിലാണ് കേന്ദ്രം സഹായത്തിൽ തീരുമാനമാകാത്തതെന്ന ആഭ്യന്തരമന്ത്രി അമിത് ഷായുടെ പ്രസ്താവന മനുഷ്യത്വ രഹിതമാണ്. വയനാട് ജനതയുടെ ദുരിതം നേരിട്ട് മനസിലാക്കിയിട്ടും സാങ്കേതിക കാരണങ്ങള് ചൂണ്ടിക്കാട്ടി പുനരധിവാസ പ്രവര്ത്തനങ്ങളില് അലംഭാവം തുടരുന്നത് ക്രൂരമാണ്. ആശയക്കുഴപ്പം സൃഷ്ടിച്ച് രാഷ്ട്രീയം കളിക്കുകയാണ് കേന്ദ്ര-സംസ്ഥാന സര്ക്കാരുകള്. ഇത് ഇരു സര്ക്കാരുകളും അവസാനിപ്പിക്കണമെന്നും കെ.സുധാകരന് ആവശ്യപ്പെട്ടു.
