ഇന്ത്യന് ഗ്രാന്ഡ്മാസ്റ്റര് ഗുകേഷ് ദൊമ്മരാജു ചതുരംഗക്കളത്തില് പുതുചരിത്രമെഴുതി ലോക ചാമ്പ്യനായി. നിലവിലെ ലോക ചാമ്പ്യന് ഡിങ് ലിറനെ അവസാന ഗെയിംസില് അട്ടിമറിച്ചാണ് 18 വയസ്സ് മാത്രം പ്രായമുള്ള ഗുകേഷ് കിരീടം സ്വന്തമാക്കിയത്. ചരിത്രത്തിലെ ഏറ്റവും പ്രായം കുറഞ്ഞ ലോക ചാമ്പ്യന് ആണ് ഗുകേഷ് . സമനിലയിലേക്ക് പോകുമെന്ന് കരുതിയ മത്സരത്തില് ലിറന് സംഭവിച്ച പിഴവു മുതലെടുത്താണു ഗുകേഷിന്റെ വിജയം. നിര്ണായകമായ പതിനാലാം ഗെയിമില് വിജയിച്ചതോടെ ചാമ്പ്യനാകാനുള്ള കൃത്യം 7.5 പോയന്റ് ഗുകേഷ് സ്വന്തമാക്കി.
