കേരളത്തില് സ്വര്ണവില ചരിത്രത്തിലെ ഏറ്റവും ഉയരത്തിലേയ്ക്ക് കുതിച്ചു. ഇന്ന് ഗ്രാമിന് 80 രൂപ വര്ധിച്ച് വില 10,945 രൂപയായി. 640 രൂപ മുന്നേറി പവന് 87,560 രൂപയിലെത്തി. ഈ മാസം ഒന്നിന് രേഖപ്പെടുത്തിയ ഗ്രാമിന് 10,930 രൂപയും പവന് 87,440 രൂപയുമെന്ന റെക്കോഡ് മറികടന്നു. ഇന്നലെ രാവിലെ ഗ്രാമിന് 60 രൂപയും പവന് 480 രൂപയും കുറഞ്ഞിരുന്നെങ്കിലും ഉച്ചയ്ക്ക് വീണ്ടും കൂടിയിരുന്നു. ഗ്രാമിന് 45 രൂപയും പവന് 360 രൂപയുമാണ് ഉച്ചയ്ക്ക് ഉയര്ന്നത്. സംസ്ഥാനത്ത് ഇന്ന് 18 കാരറ്റ് സ്വര്ണവില ഗ്രാമിന് 65 രൂപ വര്ധിച്ച് റെക്കോഡ് 9,065 രൂപയിലെത്തി. വെള്ളിവിലയും കത്തിക്കയറുകയാണ്. ഗ്രാമിന് 2 രൂപ ഉയര്ന്ന് സര്വകാല ഉയരമായ 160 രൂപയിലാണ് ഇന്നു വ്യാപാരം. കേരളത്തില് മറ്റൊരുവിഭാഗം ജ്വല്ലറികള് 18 കാരറ്റ് സ്വര്ണത്തിന് നല്കിയ വില ഗ്രാമിന് 60 രൂപ ഉയര്ത്തി 9,000 രൂപയാണ്. വെള്ളിവില ഇവര് 156 രൂപയില് നിലനിര്ത്തുകയും ചെയ്തു. 14 കാരറ്റ് സ്വര്ണവില ഗ്രാമിന് 7,000 രൂപയും 9 കാരറ്റിനുവില വില 4,520 രൂപയുമാണ്.