നിപ വൈറസ് സ്ഥിരീകരിച്ച പശ്ചാത്തലത്തില് കോഴിക്കോട് ജില്ലയിലെ കണ്ടെയിന്മെന്റ് സോണിലെ കോളജ് വിദ്യാര്ത്ഥികളുടെ പരീക്ഷകള് മാറ്റി. കാലിക്കറ്റ് സര്വകലാശാലയ്ക്ക് കീഴിലുള്ള കോളജുകളിലെ പരീക്ഷകളാണ് മാറ്റിയത്. കണ്ടെയിന്മെന്റ് സോണിലെ താമസക്കാരായ വിദ്യാര്ത്ഥികള് ആരോഗ്യവകുപ്പ് നല്കുന്ന രേഖകള് ഹാജരാക്കുന്ന പക്ഷം പ്രത്യേക പരീക്ഷ നടത്തുമെന്ന് പരീക്ഷാ കണ്ട്രോളര് അറിയിച്ചിട്ടുണ്ട്.
