ഇന്ദ്രജിത്ത് സുകുമാരന് പോലീസ് വേഷത്തില് എത്തുന്ന ക്രൈം ഇന്വെസ്റ്റിഗേഷന് ത്രില്ലര് ‘ധീരം’ ചിത്രത്തിന്റെ ടീസര് റിലീസ് ആയി. മുന്പും പോലീസ് വേഷങ്ങള് കൈകാര്യം ചെയ്തിട്ടുണ്ടെങ്കിലും, ഇത്തവണ ഒരു ഹൈ വോള്ട്ടേജ് കഥാപാത്രമായാണ് ഇന്ദ്രജിത്ത് എത്തുന്നത്. ഒരു കംപ്ലീറ്റ് ക്രൈം ഇന്വെസ്റ്റിഗേഷന് മിക്സാണ് ചിത്രം എന്നുള്ള സൂചനകള് ടീസറില് നിന്നും ലഭിക്കുന്നുണ്ട്. റെമോ എന്റര്ടൈന്മെന്റ്സിന്റെ ബാനറില് റെമോഷ് എം.എസ്, മലബാര് ടാക്കീസിന്റെ ബാനറില് ഹാരിസ് അമ്പഴത്തിങ്കല് എന്നിവര് ചേര്ന്ന് നിര്മ്മിക്കുന്ന ചിത്രം നവാഗതനായ ജിതിന് ടി സുരേഷ് ആണ് സംവിധാനം ചെയ്യുന്നത്. ദീപു എസ് നായര്, സന്ദീപ് സദാനന്ദന് എന്നിവര് ചേര്ന്നാണ് ചിത്രത്തിന്റെ തിരക്കഥ എഴുതിയിരിക്കുന്നത്. ചിത്രീകരണം പൂര്ത്തിയാക്കിയ ചിത്രം നവംബറില് തീയേറ്റര് റിലീസിന് എത്തും. ചിത്രത്തില് ഇന്ദ്രജിത്ത് സുകുമാരന്, അജു വര്ഗീസ്, ദിവ്യ പിള്ള, നിഷാന്ത് സാഗര്, രണ്ജി പണിക്കര്, റെബ മോണിക്ക ജോണ്, സാഗര് സൂര്യ (പണി ഫെയിം), അവന്തിക മോഹന്, ആഷിക അശോകന്, സജല് സുദര്ശന് തുടങ്ങിയവരും പ്രധാന വേഷങ്ങളില് എത്തുന്നു.