യുഎസ് മുൻ പ്രസിഡന്റ് ഡോണൾഡ് ട്രംപിനെതിരെ കോടതി വിധി. മാധ്യമപ്രവർത്തക ഇ. ജീൻ കാരൾ നൽകിയ മാനനഷ്ടക്കേസിൽ 83 മില്യൻ ഡോളർ നഷ്ടപരിഹാരം നൽകണമെന്നാണ് വിധി. അപ്പീൽ പോകുമെന്ന് ട്രംപ് അറിയിച്ചു. ജീൻ കാരൾ ആവശ്യപ്പെട്ടതിലും എട്ടിരട്ടിയാണ് കോടതി നഷ്ടപരിഹാരമായി വിധിച്ചത്. 2019ലാണ് ട്രംപ് കാരളിനെതിരെ ആരോപണം ഉന്നയിച്ചത്. കാരളിനെ കണ്ടിട്ടില്ലെന്നും പുസ്തകങ്ങള് വിറ്റഴിക്കാനുള്ള ജീന് കാരളിന്റെ തന്ത്രമാണ് ഇതെന്നും ട്രംപ് ആരോപിച്ചിരുന്നു.
