ഹേമ കമ്മിറ്റി റിപ്പോര്ട്ടിന്മേല് അമ്മ ശക്തമായ നിലപാടെടുക്കണമെന്ന് നടി ഉര്വശി. എക്സിക്യുട്ടീവ് കമ്മിറ്റി ഉടന് വിളിക്കണം. നിലപാട് വച്ച് നീട്ടാന് പറ്റില്ലെന്നും പഠിച്ചത് മതിയെന്നും ഉര്വശി വ്യക്തമാക്കി. താന് സ്ത്രീകള്ക്കൊപ്പമുണ്ടാകുമെന്നും അവർ പറഞ്ഞു. കമ്മിഷന് റിപ്പോര്ട്ടിലെ വെളിപ്പെടുത്തലുകള് ഗൗരവമായി കാണണം. ശ്രീലേഖയുടെ വെളിപ്പെടുത്തലുകള് കേട്ട് ഞെട്ടിപ്പോയെന്നും അവരെന്താകും അവരുടെ നാട്ടില് പോയി പറഞ്ഞിട്ടുണ്ടാവുക എന്നും ഉര്വശി പറഞ്ഞു. സിദ്ദിഖ് സംസാരിച്ചത് താന് കേട്ടെന്നും അങ്ങനെയൊന്നുമല്ല , ഇങ്ങനെയൊന്നുമല്ല എന്ന് പറഞ്ഞ് ഇനിയും ഒഴിയരുത്. ഒരു സ്ത്രീ തന്റെ മാനവും ലജ്ജയുമെല്ലാം മാറ്റിവച്ച് കമ്മിഷന് മുമ്പാകെ വന്ന് തുറന്ന് പറഞ്ഞ കാര്യങ്ങളാണ് അതില് നടപടി വേണമെന്നും ഉര്വശി ആവശ്യപ്പെട്ടു.
