കഴിഞ്ഞ മാസങ്ങളില് 20ല് അധികം വിദ്യാര്ത്ഥികള് നീറ്റ് പരീക്ഷയില് മാര്ക്ക് കുറഞ്ഞതോടെ തമിഴ്നാട്ടില് ജീവനൊടുക്കിയിരുന്നു. ഭരണകക്ഷിയായ ഡിഎംകെ കേന്ദ്ര സര്ക്കാരിനെതിരെ പ്രതിഷേധം ഉയര്ത്തുകയും നീറ്റ് പരീക്ഷ നിര്ത്തലാക്കണമെന്ന് ആവശ്യപ്പെടുകയും ചെയ്തിരുന്നു. അതിനിടെയാണ് പരീക്ഷ എഴുതിയ ആര്ക്കും മെഡിക്കല് പിജി പ്രവേശനം നേടാമെന്ന അവസ്ഥ വരുന്നത്. കേന്ദ്ര ആരോഗ്യ മന്ത്രാലയത്തിന്റെ നിര്ദേശ പ്രകാരമുള്ള തീരുമാനമാണ് ഇന്നലെ പുറത്തുവന്നത്. കോച്ചിംഗ് സെന്ററുകള്ക്കും സ്വകാര്യ മെഡിക്കൽ കോളേജുകള്ക്കും തടിച്ചുകൊഴുക്കാന് മാത്രമാണ് നീറ്റ് പരീക്ഷ നടത്തുന്നതെന്ന് ഇതോടെ വ്യക്തമായെന്ന് ഉദയനിധി സ്റ്റാലിന് പ്രതികരിച്ചു.
