എംഎല്എമാരായ കോവൂര് കുഞ്ഞുമോന്, യു. പ്രതിഭ, നെല്സണ് ശൂരനാട്, പുതുമുഖങ്ങളായ അഖില് രാജ്, അനന്ദു പടിക്കല്, അനീഷ് പ്രകാശ് എന്നിവരെ പ്രധാന കഥാപാത്രങ്ങളാക്കി ശിവരാജ് തിരക്കഥയെഴുതി സംവിധാനം ചെയ്യുന്ന ‘കേപ്ടൗണ്’ എന്ന സിനിമയുടെ ട്രെയ്ലര് പുറത്ത്. മനോരമ മ്യൂസിക്കാണ് ട്രെയിലര് റിലീസ് ചെയ്തത്. മുന് ബിജെപി സംസ്ഥാന അധ്യക്ഷന് കുമ്മനം രാജശേഖരന് സിനിമയില് അതിഥി വേഷത്തില് എത്തുന്നുണ്ട്. പ്രകൃതിയെ സംരക്ഷിക്കാം, പ്രകൃതി ദുരന്തങ്ങള് ഒഴിവാക്കാം എന്ന സന്ദേശവുമായി ഒരു കൂട്ടം ചെറുപ്പക്കാരുടെ എട്ടു വര്ഷത്തെ ശ്രമഫലമാണ് ‘കേപ് ടൌണ്’ എന്ന ഈ സിനിമ. പതിനൊന്നോളം ജനപ്രതിനിധികളും ഈ ചിത്രത്തില് സഹകരിക്കുന്നണ്ട്. ചിത്രത്തിന്റെ അവസാന ഭാഗത്തു ദളപതി വിജയുടെ സാന്നിധ്യമാണ് ഈ സിനിമയുടെ മറ്റൊരു പ്രത്യേകത.
